Los Angeles:
U Lionel Richie, Katy Perry la pynbna ba kin wan shim bynta ban rwai ha ka jingkiew khet u Charles ka ban long ha ka 7 tarik jong u bnai ban wan ha Windsor Castle ha kaba nalor jong kine arngut kiwei kiwei ki ban wan shim bynta kin kynthup ruh ka kynhun Take That bad Andrea Bocelli.
Ka hehduh jong ka BBC ka Charlotte Moore ha ka jingai jingkren ka la iathuh ba ka la don ka jingpynkhreh na ka liang jong ki nongrwai kiba la shah khot sngewbha ban wan shim bynta ha katei ka sngi bad ha ka jingshisha la khot bad la wer sngewbha ruh ia Adele, Elton John, Harry Styles bad Spice Girls hynrei kine ki la kyntait ia kane.
Ha kajuh ka por la iathuh ruh ba ka Kylie Minoque kala dep ban phah ktien ba kan ym wan shim bynta ha katei ka jingkiew khet u Charles namar ba ka hap ban leit rwai kylleng bad ka Buckingham Palace ka iathuh ba haduh 20,000 ki riewpaidbah la khot sngewbha lang ha katei ka sngi .
Ki nongshong shnong ka Britain kin sa ioh ban sakhi ia ka jingkiew khet u Charles ha kaba ha shwa jong kane ki la iohlad ruh ban sakhi ia ka jing-kiew khet ka Queen Elizabeth ha u snem 1953.
Ka jingpynkhreh ha kaba iadei bad kane ka jingkiew khet u Charles ka la iaid sha khmat bad u Prince Harry uba la shong la sah sha US lem bad ka kurim bad ki khun ki kti jong u, un sa wan ban sakhi ia ka jingkiew khet u kpa ryngkat bad kiwei kiwei ki dkhot ka longiing Syiem.
