Los Angeles:
Ka ‘The Phantom of The Opera’ kaba long kawei na ki show ha rynsan kaba la slem bha bad kaba la kynjoh ruh sha ka 35 snem la pyn- kut noh ia ka ha ka Sngi U Blei hadien ba sdang pyni nyngkong eh ha u 1988.
Naduh ka sien nyng-kong ba la pyni ia kane ka show ha ki rynsan ka la khring ia kiba bun ki paidbah bad ruh ban kamai haduh $1.36 billion ha ka Box Office.
Ha ka sngi ba la pynkut noh syndon ia kane ka show baroh ki dkhot ki la wan ban shim bynta lang kynthup ruh ia u nongshna jong ka u Hamilton Lin Manuel Miranda bad kumjuh ruh ka Sarah Brightman.
Ka daw ba la hap ban pynkut noh ia kane ka show ka dei tang namar ka jingbym lah shuh ban die ia ki tiket bad kane ka la jia naduh ba wan laynshop ka khlam ia ki ri ka pyrthei.
Ia kane ka show la direk da u Hal Prince bad ia ki jingrwai la thaw da u Andrew Lloyd Webber bad u Chris Hart.
Ka khana jong kane ka show la shim na ka kot ba la thoh da u Gaston Leroux bad wat lada ha ki snem ba la leit bun ki iabeh ban thied ia ki tiket jong kane ka show hynrei suki pa suki ki nongwan peitkai ki la sdang duna bad ktah ruh ia ki nongpynmih.
