Gold Coast, ïaïong:
Kawei na ki lahduh ha ka pyrthei ha ka jingiakob jngi-um ka Mollie O’Callaghan ka la khur ia ka jingjop bad ka nongkhur takma ksiar ha ka Olympic ka Emma McKeon na ka bynta ban khur noh shalade ia ka trophy jingjop na ka jingiakob jngi ki kynthei ha ka 100m Freestyle ha ka lympung ialehkai ba mynta ka Australian Championships. Kitei ar ngut ki la pyndep ia ka jing-iakhun ha ka por ialehkai kaba kloi tam eh jong une u snem ba mynta.
Kumta ka Mollie ka la lah ban pyndep ia ka jingiakhun da kaba pyndep ha ka por 52.63 sekhon na ka bynta ban pynliem ia ki nongialehkai kiba kham hajrong. Shuh shuh ruh ka Shayna Jack (52.64) ka lah ioh ban ktah ia ka bynta ba khatduh jong ka pung jngi ha ka jingwan ba-ar bad shakhmat ia ka McKeon (53.22) ha ka jingiakhun ia kaba lah wan ban shimbynta ruh da ka Cate Campbell kaba lah wanphai sha ka kam ialehkai ka jong ka. Ka khubor ka iathuhruh ba ka Australia’s World Championship Trials kan long ha Melbourne ha u bnai Jylliew. Ka Kaylee McKeown kaba la lah ban thaw ia ka rekod ha ka 200m Backstroke ha u bnai ba lah dep, ka lah shimbynta ruh ha ka jingiakob jngi ha ka 100 Freestyle bad kaba lah wan ha ka jaka ba phra ha katei ka lympung ba mynta.
Ha kiwei pat ki jingiakhun ha katei ka lympung, u nongbat rekod ha ka pyrthei ha ka 200m Breaststroke u Zac Stubblety-Cook u la lah ban pyndep ia ka jingiakhun ha ka por 1:00.07 na ka bynta ban khur ia ka jingjop ha ka 100m katba u Samuel Short u la lah ban pynliem noh ia u lahduh ha ka pyrthei u Elijah Winnington na ka bynta ban khur ia ka trophy jingjop na ka 400m Freestyle.
