Los Angeles:
U Chris Evans uba la ak kum u Captain America u la kren halor ka kam ak phlim da kaba ong ba lada u shim ia ka rai ban kiar ne iehnoh ia kane ka kam un phaikhmat noh pat sha ka kam direk phlim.
Ha ka jingsngew ba shimet jong u Chris ka kam direk phlim ka long ruh kawei kaba u da thrang eh ha ka jingim jong u bad kyrmen skhem ba un lah ban pynurlong ia kane lada u thmu ban randien noh syndon na ka kam ak phlim.
Ha u 2014 u Chris ula kren bad pynpaw ia ka jingbym don mon shuh jong u ban ak phlim hynrei wat la katta u dang iai bteng hi ban leh ia kaei kaba un hap ban leh.
Bunsien u Chris u ju ioh mynsiem bad ioh jingmut na ki katto katne ki paralok ba iajan jong u kiba long ruh ki direktor ba un phaikhmat sha ka kam direk phlim, hynrei une u tyngshop um shim pynleit jingmut than halor kane.
Dei mynta ka kynti ba u Chris ula shim ia ka rai ba lada u sangeh ban ak phlim un shim khia noh ia ka kam direk phlim.
Ha ka jingsngew ba shimet jong u Chris katba u dang sngewtynnad ban ak phlim un iai bteng beit ia kane bad un dang iai soi bun ki phlim na ka bynta ki snem ban wan.
U Chris ula paw ha ka kam ak phlim hadien ba ula ak kum u Captain America ha ka Avengers kaba long ruh kawei na ki Superhero phlim ba itynnad bha bad kaba la khring ia ki nongpeitkai bad long ruh ka Block buster Film.
