Shillong, Ïaïong 17:
Ka Umphyrnai SC ka la bteng ïa ka jingjop ba lai ha ka lympung ïalehkai Under-10 (Boys) Football League 2023 ba la pynïaid da ka Shillong Sports Association.
Kane la la wan urlong hadien ba ka lah ban pynliem noh ïa ka Challenger FT Academy haduh 6-0 kol ha ka Lah Sngi U Blei ha madan Polo. U D. Kharkongor u la khur ïa ka hat-trick (4, 18 & 47) ha kaba u la ïoh ban thep lai kol, ïa ki ar kol la thep da u E. Kharkongor (27 & 45) bad ïa kawei pat la pynbud da u A. Kharkongor (49).
Lyngba kane ka jingjop ba lai, ka Umphyrnai kaba la ïoh ban bat ïa ka kyrdan ba hakhlieh jong ka Group-B ka la kamai 9 dor-thong (point), katba ka Challenger kam pat khur jingjop wat tang shisien ruh ha kane ka lympung.
Ka jingïalehkai ha ka Sngi Ba-ar kan long hapdeng ka Sohryngkham SC pyrshah ïa ka Madanrting SC ha ka por 4:15 janmiet.
