London, ïaïong:
U Alex Rins u la rah ia ka nam lahduh ha ka Grand Prix of the Americas ha Austin, hadien ba u lahduh ha ka MotoGP u Francesco ‘Pecco’ Bagnaia u lah khyllem noh katba u dang ialeh na ka bynta ban tam shakhmat ban ioh knieh ia ka kyrdan ba nyngkong ha ka lympung iakhun.
Katei ka jingjop ka jong u Alex ka long ka sien kaba nyng-kong na ka bynta ka kynhun ialehkai ka jong u ka LCR Honda naduh ba u rangialehkai na Bilat u Cal Crutchlow u lah rah ia ka nam jop ha u snem 2018 ha Argentina. Shuh shuh ruh ka long ruh ka sien kaba nyngkong da uno uno u nongniah thuk-thuk ka Honda ban ia u lahduh hynriew sien ka MotoGP u Marc Marquez u bym shym la ialehkai ha katei ka lympung namar ki jingmynsaw naduh ka por ba u Crutchlow u lah rah ia ka thong jingjop.
Ha katei ka jingiakhun, u nongialehkai na Italy u Luca Marini, u nongialehkai ba paw ka MotoGP u Valentino Rossi, ki lah wan ba-ar na ka bynta ka kynhun VR46 Ducati bad ka long ruh ka sien kaba nyngkong na ka bynta jong u ban kiew ha ka rynsan jop ka MotoGP naduh ba u lah shah kyntiew kyrdan na ka Moto2. Kumjuh ruh u lahduh ha ka lympung ialehkai jong u snem 2021 na France u Fabio Quartararo u lah pyndep ia ka jingiakhun na ka kynhun Yamaha na ka bynta ban kiew ha ka rynsan jingjop jong ki lai jingop ki jog u ha ka aiom ialehkai ba mynta bad u Maverick Vinales ka Aprilia bad u Miguel Oliveira ki lah wan ha ka jak aba saw bad ba san.
