Mumbai:
Hadien ka jingbym iaid jong ki katto katne ki phlim ba la ak da u Ranveer Singh ka Yash Raj Films ka la shim ia ka rai ban pynkut noh syndon ka jingiadei kam bad utei u tyngshop ha kaba kane ka kompani pynmih phim kam kwah shuh ba nangne sha khmat kan mad jingduhnong biang ha kaba iadei bad ki phlim ba lam khmat da u Ran veer.
Kum ban shu pynkynmaw u Ranveer ula soi nyngkong eh ia ka phlim jong ka Yash Raj ka Band Baaja Baaraat ha u (2010) bad hadien kane ula ioh ruh ban ak biang sa kum ba katto katne ki phlim jong katei ka kompani.
Hynrei la sakhi ba mynta la kumba arsnem tam eiei ki phlim ba la lam khmat da u Ranveer kim shim lah satia ban khring ia ki nongpeitkai bad mad ruh ia ka jingduhnong bakhraw ha ka Box Office.
Ka jingsdang jong ka jingbym iaid ki phlim u Ranveer ka la long naduh ka ’81 kaba la mih ha u 2021 ka bym shim lah ban khring ia ki nongpeitkai wat lada kane ka phlim ka dei kaba biang bha ka khana.
Hadien kane wat ka Jayeshbhai Jordaar (2022) ruh kam shim lah ban khie khlieh bad kamai tang 15.59 klur bad kum juh ruh ka Cirkus. (2022).
Ka Yash Raj Film ka sngew ba ka por ka la dei ia ka ban sangeh noh ka jingiatrei bad u Ranveer bad pyrshang ban pynleit jingmut noh sa ha kiwei kiwei ki phlim ba la ak da kiwei pat ki tyngshop ka Bollywood.
Hadien ba ka Yash Raj Film ka la mad jingduhnong namar ka jingbym iaid ki katto katne ki phlim pynban mynta u snem kane ka kompani ka la lah ban kyntiew biang ia ka nam bad burom jong ka hadien ba ka Pathaan ka la long kawei na ki Blockbuster Film.
Ha kajuh ka por kane ka kompani mynta ka dang pynkhreh ruh ban pynmih bad pyllait paidbah ia ka Tiger 3 kaba la ak da u Salman Khan.
