Los Angeles:
Ka New Jersey kan sa rakhe ia ka Bruce Springsteen Day ha u Nailur ha kaba u Lat jong kane ka shnong u Phil Murphy u la pynbna ba ka 23 tarik u Nailur kaba dei ruh ka sngikha jong u Bruce Springsteen yn sa rakhe ruh kum ka Bruce Spring steen Day.
U Bruce u dei uwei na ki nongrwai uba la ioh jingieit na baroh ki nongshong shnong ka US bad u long ha kajuh ka por u nongrwai uba la thaw bad thoh bun tylli ki jingrwai ha ki snem ba la leit.
Kum shi bynta ban rakhe ia ka jingnoh synñ iang jong u Bruce ha kaba iadei bad ka rwai ka siaw ha kane ka ri la rai ban pynlong ia ka 23 u Nailur mynta u snem kum ka “Bruce Springsteen Day”.
Ki khubor ki iathuh ba la pynbna ia kane ha ka jingpynlong ia ka Ameri can Music Honors, ha Monmouth University.
U Bruce Springsteen uba la kha bad heh bad san ha New Jersey nalor ka kam kum u nongrwai ula iohlad ruh ban ak bad shim bynta ha ki katto katne ki phlim.
U long ha kajuh ka por uwei na ki nongrwai uba la don ia kata ka mynsiem ban ai jingiarap na ka bynta kiba shem lanot bad kiba la mad jingeh na ka jingwan lynshop ki bor ka mariang bad ha kajuh ka por na kiwei kiwei de ki jingjia.
Ia u Bruce la ju tip ruh da ka kyrteng sin kum u ‘Boss’ bad mynta u snem un sa rakhe ia ka jingdap 74 snem. Dang ha u bnai Lber ia u Bruce la pynkup burom da ka National Medal of Arts, da u Presi dent ka ri US u Joe Biden.
U Bruce uba dei ban shim bynta ha ka sngi saitjaiñ mynta ka taiew ula hap ban pynsangeh noh shwa ia kane ha kaba ka daw ka dei hadien ba ula shah lynshop ha u COVID-19.
Une u nongrwai u la paw ruh na ka bynta ka jingrwai ‘Born in the USA’.
