Jaipur, ïaïong:
Hadien ka jingiai ap-rmang kaba la kynjoh shaduh ki lai snem pura da ka madan ialehkai Kriket kaba paw ha Jaipur ka Sawai Mansingh stadium ia ka jingwanphai jong ka lympung ialehkai kriket ba paw ka ri ka Indian Premier League (IPL), ka khubor ka iathuh ba katei ka jingiai ap ka la long kaba jop mynta u snem, ha kaba katei ka lympung ialehkai ba mynta ka pynkhreh ha ka ban leit phai biang sha katei ka madan ialehkai; ha kaba kan pynlong ia ki jingialehkai jong ki kynhun kiba bat ia ki kyrdan ba shakhmat ha ka thup kyrdan jong ka lympung, kata ka Rajasthan Royals ka ba iakhun pyrshah ia ka Lucknow Super Giants.
Kum shibynta jong ka jingpruid dak biang sa shisien ia ka jingwanphai jong katei ka lympung ialehkai ba pawnam ka ri India ha ka tei ka madan, la pynkhreh ruh ia ka jingpynbit pynbiang kaba kyrpang na ka bynta ki paidbah nongwanpeitkai. Kan dei ruh ka sien kaba nyngkong eh ba ki nongpeitkai kin ioh ban sakhi ia ki rangialehkai khlem kano kano ka jingkah jar nakhmat ki jaka shong jong ki.
Na ka bynta kane, ka Rajasthan Cricket Association (RCA) ka lah pyndait ruh ia kita ki iit-iada kiba lah ban iohi lyngba ha ka jaka jong ki jar. Shuh shuh ruh ar tylli ki synduk shong ba thymmai lah dep ban pynieng ha ka madan ialehkai. Kumta na ka liang jong ka RCA ka khmih lynti ruh ba ki jingialehkai ha katei ka madan na ka bynta ka lympung ialehkai ba mynta kan pyndep smam ia ka madan ialehkai kaba don ia ki jaka shong ki ban ngiam haduh 23,000 ngut, ha kaba baroh ki tiket lah dep ban die paidbah.
Ka prokram ialehkai jong ka Rajasthan Royals ban iakhun ha katei ka madan ki long:
19 Iaiong – vs Lucknow Super Giants (7:30 p.m.)
27 Iaiong – vs Chennai Super Kings (7:30 p.m.)
5 Jymmang – vs Gujarat Titans (7:30 p.m.)
7 Jymmang – vs Sunrisers Hyderabad (7:30 p.m.)
14 Jymmang – vs Royal Challengers Bangalore (3:30 PM)
