Mumbai:
Ka Malabar Gold & Diamonds ka la thung ia ka Alia Bhatt kum ka nongrah ktien bathymmai jong kane ka kompani ha kaba ka Malabar Gold & Diamonds ka long ruh kawei na ki kompani ba wan ba hynriew ha India ha kaba iadei bad ka jinglah ban pyniaid iew ia ki jingdeng bad ki ksiar kiba ka la shna bad pynmih.
Kane ka kompani ka la don haduh 312 tylli ki Showroom ha ki 10 tylli ki ri ka pyrthei bad kum shi bynta ban kyntiew bad pyniaid iew shuh shuh ia ki jingdeng jingsat jong ka, ki hehduh jong kane ka kompani ki la thung noh da ka Alia kum ka nongrah ktien.
Hadien ba ki katto katne ki phlim ba la ak da ka Alia ki la long ki Blockbuster Film bun ki kompani ki la pyrshang khring ia ka ban long ka nongrah ktien jong ki.
Ha shwa jong ka jingdap 30 snem ka jingiaid lynti kane ka kompani ki hehduh jong ka, ki la pynbna ia ka Alia kum ka nongrah ktien. La seng ia ka Malabar group, ha u 1993 bad kane ka kompani ka la ioh ban suh thied ha India, UAE, KSA, Qatar, Bahrain, Oman, Kuwait, Malaysia, Singapore bad USA.
Shuh shuh ki heh kane ka kompani ki don jingthmu ruh ban pyniaid iew ia ki ksiar bad jingdeng jing sat jong ka sa sha UK, Australia, Cana da, South Africa, Egypt, Bangla desh, Turkey bad New Zealand.
Haba iakren halor ka jingshah thung kum ka nongrah ktien ka Malabar Gold & Diamonds ka Alia ka la pynpaw ka jingsngewnguh bakhraw ba la ibit ia ka ban long ka nongrah ktien bad sngew ba ialade ka long ruh ka briew kaba sngewtynnad bha ia ki jingdeng kiba har rukom.
Ha shwa ka Alia ki la don kumba katto katne ki puron ka Bollywood kiba la shah thung kum ki nongrah ktien ka Malabar Gold & Diamonds bad naduh ba la seng ia ka kane ka kompani ka la khring ia kiba bun.
