Los Angeles:
Ka kynhun rwai Blackpink ka la wanrah nam bad burom ia ka South Korea da kaba long ka kynhun rwai banyngkong eh ban shah khot shim bynta ha ka Coachella Festival. Ha ki snem ba la leit ym pat ju don kano kano ka kynhun rwai na South Korea ka ban shah khot sngewbha kumne.
Kane ka kynhun kaba kynthup ia ka Jennie, Jisoo, Rose bad Lisa ka la pynpawnam bad pynpaw pyrthei ialade da ki jingrwai bad jingshad jong ka. Na ka bynta ka Blackpink ka dap da ka jingkmen ban ioh shim bynta ha ka Coachella bad ong ba kane ka dei ruh kawei na ki tamasa jong ka rwai ka siaw kaba khring bha ia ki nongpeitkai naduh ki snem ba laleit wat haduh mynta ruh kumjuh.
