Moscow, Ïaïong:
Ka iingkashari jong ka Russia ha ka Sngi Ba-ar ka la kyntait ban pyllait jamin ia u nongthoh khubor ka United States, u Evan Gershkovich uba la shah kem noh ha ki khyndiat por ba la leit halor ka jingshah kynnoh ba u don kti ha ki kam syntiat ba sop-sop na ka bynta ka United States bad kumta ruh u la shah pynngat hapoh ki kyndon pynkheiñ aiñ jong ka Russia, ha kaba un hap ban shong patok haduh 20 snem kynthih.
Ha katei ka sngi, u nongbishar jong ka ïingbishar u la pynbna ba ka ïingbishar ka la rai ban ym pat lah ban pyllait jamin ia utei u nongthoh khubor ha kane ka por, ha kaba utei u nongthoh khubor ruh u la jubab bad ong ba u pdiang ia katei ka rai jong ka ïingbishar watla um shym la don bynta eiei halor katei ka jingkynnoh syntiat jong ka Russia pyrshah ia ka kam leit kai shimet jong u sha Russia.
