Da ki lak shah daiñ kuna u kapten ka Lucknow Super Giants

Lucknow, ïaïong:

 Ha ka jingialehkai Kriket jong ka lympung Indian Premier League, ka Lucknow Super Giants(LSG) ha ka jingiakhun pyrshah ia ka Rajasthan Royals, ka khubor ba lah ioh lum ka iathuh ba u kapten jong ka LSG  u KL Rahul u lah shah dain kuna ha ka dor kaba heh tam kaba la kot sha ka T. 12 lak.

 Ka khubor ka iathuh ruh ba ka jingshah dain kuna ka jong u na katei ka jingiakhun ka long halor ka jingiai pynsah jong u halade ia ka Slow Over-Rate katba ka jingiakhun ka dang iaid shakhmat bad katei ka kynhun iakhun pyrshah. Shuh shuh ruh ha kaba iadei bad ka tei ka bynta jong ka jingialehkai, ka khubor ka iathuh ruh ha kaba kut jong ka por ialehkai, ka  LSG ka la lah ban pynliem noh ia ka Rajasthan Royals da 10 ron. Katkum ka jingiathuh da ki nongpyniaid jong ka tei ka lympung ka long ba katei ka jingshah pynshitom da utei u rangialehkai ka long ka sien kaba nyngkong na ka bynta ka kynhun ialehkai ka jong u ban  shah pynngat mynta ha katei ka aiom ialehkai IPL ba mynta hapoh ka  Code of Conduct jong ka lympung ialehkai kaba iadei bad ka jingduna ha kaba iadei bad ka over-rate offences, kumta lah pynhap ia ka tei ka kuna pyrshah ia utei u kapten ka kynhun da haduh kattei lak.

 Ka thong jong ka IPL na ka bynta ki jingialehkai ban pyndep hapoh ka lai kynta bad 20  mini, hynrei ka Slow Over Rate ka long ka sakhi kaba pynshisha ban long ka daw bad ka mat ha ryngkat bad kiba bun ki jingialehkai kiba lah jlan da kaba tam  ruh ia ka saw kynta kumba lah buh.

Haba phai khyndiat sha katei ka jingialehkai, u Kyle Mayers u long uba  hajrong ha ka jinglah ban kamai ron bun tam eh da 51 na ki 42 bol ba u lah shah kawang, ha kaba ka LSG ka lah buh ia ka ron hakhmat ka kynhun iakhun pyrshah da 154 na ka bynta ki hynniew wiket.

Hynrei ka jingpynphai jubab ka RR, ka tei ka kynhun iakhun pyrshah ka lah shah khang lynti na ka bynta ban kamai bad tam ia ka ron jong ka LSG shakhmat, ha kaba ka lah shah pyndep ia ka jingiakhun ba 20 over jong ka tang da haduh 144 ron na ka bynta ki hynriew wiket, ha kaba u Avesh Khan u lah khur ia ki lai wiket na ka bynta katei ka kynhun kaba lah rah ia ka jingjop na ka jingiakhun.

 Hadien katei ka jingjop, ka LSG kan hap ban pynkhreh bha ialade na ka bynta ka jingiakhun pyrshah sa bad ka Gujarat Titans lashai ka sngi(22 tarik).