Seoul:
U Moonbin, uba long uwei na ki dkhot ka kynhun rwai Astro, u la khlad noh ha ka rta kaba 25. Ka daw halor ka jingkhlad kyndit jong u jong une u nongrwai ym shym la iathuh.
Ka khubor na ka liang ki pulit ka iathuh ba lehse u Moonbin u lah ban dkhat jubor hi ia la ka jingim.
Ia ka khubor halor ka jingkhlad noh u Moonbin la iathuh da ka Music Label and Enter tainment Company Fan tagio bad katkum ka khubor ba la iohlum la iathuh ba u Moonbin um shim la tipbriew shuh naduh ba la lap ia u bad kane ka la jia ha ka shnong Gangnam kaba don marjan bad ka Seoul.
La kha ia u Moonbin ha ka 26 u Kyllalyngkot 1998 ha North Chung cheong kaba don ha South Korea bad ula snohkti bad ka kynhun rwai Astro ha u 2016.
U Moonbin u dei ruh u dkhot ba paw jong kane ka kynhun bad u long ha kajuh ka por uba tbit bad nang bha ban shad.
Hadien ba la mih khubor halor ka jing khlad noh jong u, bun ki la pynpaw ka jingsngew sih halor ka jingduhnoh ia uwei na ki nongrwai uba long ha kajuh ka por u nongshad uba tbit bha bad uba la ai mynsiem ruh ia kiwei kiwei ki kynhun rwai.
