Shillong, Ïaïong 20:
Ka KSU Nongthliew Circle ka la pynkut noh ïa ka 2nd Maitshaphrang Inter School Sports and Athletic Meet ha Nongthliew ha kaba ka Umthlong Nongthliew Govt Secondary School ka la khur ïa ka nam lahduh.
Ïa ka kyrdan ba-ar la ïoh da ka Pyrda Secondary School bad ka kyrdan balai ka leit sha ka Seng Khasi Secondary School. Ïa ka nam nongjop ha ka March Pass la jop da ka Pyrda Secondary School, ba-ar ka Umthlong Nongthliew Govt Secondary School bad balai ka Seng Khasi Secondary School.
Ha ka jingïalehkai phutbol ki kynthei la rah da ka Seng Khasi Secondary School, ba-ar ka Umthlong Nongthliew Govt Secondary School bad balai ka RWR Five Brothers Five Sisters Sec School. Haba phai sha ka liang ki shynrang la khur jingjop da ka Nongthliew Area Secondary School, ba-ar ka United Christian Secondary School bad balai ka Pyrda Secondary School.
Ïa ki khusnam sha ki nongjop la sam da u MLA barim ka Mylliem Constituency u Bah Hamletson Dohling ha ka jingïadon lang ki nongkitkam ka KSU Nongthliew Circle bad kiwei.
