Shillong, Ïaïong 20:
Ka WKHDCA ka la khur ïa ka nam lahduh ha ka Women’s Cricket League 2022-23 ba la pynïaid da ka Shillong Cricket Association. Kane ka wan urlong hadien ba ka lah pynliem noh ïa ka SCA-A da 39 run ha ka Sngi Palei ha madan Polo.
Ha kane ka jingïakhun final, ka WKHDCA ka la kam trai ban tied nyngkong ha kaba ka la kamai 102 run bad shah pynkhyllem 8 wiket ha ki 20 over. Ka Abiezer K. Syiem ka la tied 18 run na ki 35 bol bad ka Monycable Marbaniang ka la ïoh 14 run na ki 21 bol. Katba ka Pinky Chanda ka la khur 3 wiket bad ïa ki 2 wiket la khur da ka Neelam Roy na ka bynta ka SCA-A.
Haba wan beh ïa ka thong, ka SCA-A ka la shah pynkhyllem baroh ki nongtied bad kamai tang 63 run ha ki 15.2 over. Ka Mansi Anand ka la tied 25 run na ki 49 bol bad ka Monica Singh ka la ïoh 7 run na ki 20 bol. Katba ka Deiphibanpynshgaiñ L. Mawnai bad ka Emisakani Warjri ki la khur mar 2 wiket na ka bynta ka WKHDCA. Ka Deiphibanpynshgaiñ ka la ïohpdiang ïa ka nam Player of the Match.
