Mumbai:
Ka Priyanka Chopra ka la pynshai ia ka khubor kaba la mih kaba ong ba ka la beiñ bad kynthoh ia ka Bollywood ha ka ba kane ka puron ka la pynpaw ba kam shim kren ne ong eiei ba ka Bollywood ka dei ka jaka ak phlim ka bym long hynrei ka la shu kdew kti bad kynthoh ia ki katto katne ki briew kiba ka la iadei kam bad kiba thmu ruh ban shim kabu ia ka.
Ka Priyanka kaba la kiar na ka Bollywood la bun bun snem mynta ka la rai ba wat lada ka la kham shim khia ha ki phlim Hollywood pynban kan ialeh bad kan pyrshang hi ban soi phlim Bollywood lada don kino kino kiba biang bad kiba iahap bad ka.
Kawei kaba ka Priyanka ka la ai jingmut ia kito kiba don ha Bollywood ka long ba kim dei ban ailad ba ka jingleh shiliang khmat kan don ha kane ka karkhana namar ba lada ym lah ban pynduh pyndam noh ia kane ka Bollywood da lei lei ruh kan ym lah satia ban kiew kum kiwei kiwei ki kompani pynmih phlim ba don shabar ri.
Haba iakren halor ki phlim Bollywood ia ka Priyanka ngin sa iohi ha ka Jee Le Zaraa kaba la shim bynta lang da ka Katrina Kaif bad Alia Bhatt.
