Washington:
Ka Vice President ka US ka Kamala Harris ka la wan ban shim bynta ha ka Talk Show jong ka Jennifer Hudson ha kaba shwa jong kane ka Kamala ka la wan shim bynta teng ha ka Talk Show ba la pyniaid da u Stephen Colbert’.
Kane kan dei ka sien nyngkong ba ki nong ialam ka US kin wan ban shim bynta ha ka Talk Show jong ka Jennifer ha kaba ha ki snem ba la leit tang ki nongrwai bad khlur ak phlim ki la iohlad wan shim bynta.
Ka khubor ka iathuh ba ha kane ka Talk Show ka la don ka jingiakren halor ki jingjia kiba manla ka por ha US kaba long halor ka jingiasiat ha ki skul, ka hok jong ki LGBTQ , ka jingkylla ka suiñbneng bad ha kajuh ka por ka jingshah khang noh jong ka TikTok.
Ka Kamala kaba la shah khot sngewbha ban wan shim bynta ha katei ka Talk Show kam shim nud satia ban kyntait ia kane bad sngew ba ka hap ban pyllait por khnang ban ioh shong iakren bad ka Jennifer Hudson.
Kane ka Talk Show jong ka Jennifer ka dei kaba la khring bun bha ki nongpeitkai naduh ba la pynmih nyngkong eh ia ka bad ka Jen hadien ba ka la kham pynduna ban ak phlim ka la shim khia ban pynleit jingmut tang ha kane ka Talk Show bad ban kyntiew ruh ia ka.
Lyngba ki Talk Show bun ki nongpeitkai ki iohsngew ia kaei kaei kaba ki nongshah khot sngew bha ki don ban kren bad kumjuh ruh ka jingsngew jong ki.
Dei ruh ha ki Talk Show ba ki nongrwai bad khlur ak phlim ki iohlad ruh ban pynbna ia ki phlim thymmai ba ki ak bad ha kajuh ka por ki thup jingrwai bathymmai jong ki.
