New Delhi, ïaïong:
Ka kynhun ialehkai kriket ba matlah jong ki kynthei ka ri kin sa mihkhmat ia ka ri baroh kawei ha ka Bilateral series pyrshah ia ka Nepal. Ia ki jingialehkai baroh yn pynialehkai ha Pokhara bad Kathmandu, Nepal naduh ka 25-30 tarik mynta u bnai.
Ha kaba iadei bad katei ka bynta jong ka lympung, ka kynhun ialehkai ka ri kan ialehkai san tylli ki jingialehkai T20Is.
Katei ka lympung ialehkai ka long ka bynta kaba kongsan tam ha ka jingnang iai kyntiew shuh shuh ka jinglah jong ka Cricket Association for the Blind in India (CABI) bad ka Samarthanam Trust for the Disabled na ka bynta ban kyntiew shuh shuh ia ki thei ialehkai ka ri ha katei ka jingialehkai bad ia ka kynhun ialehkai baroh kawei jong ka ri yn sa ialam nakhmat da ka Sushma Patel kum ka kapten jong ka kynhun kaba na ka kyrdan B3 jong ka thup ki nongialehkai.
Ka khubor ka iathuh ruh ba katei ka kynhun kan iakhun pyrshah ia ka Nepal ha ki san tylli ki jingialehkai T20Is ha kaba ki ar jingialehkai ba nyngkong yn pynialehkai ha Pokhara Cricket Ground, Kaski bad ki jingiakhun ba dangsah yn pynialehkai ha Mulpani Cricket Ground, Kathmandu.
Katei mynta ka long tang ka sienjam kaba nyngkong ha ka jingiaid lynti na ka bynta ban pynlong ia ka jingialehkai kaba lah ban donbynta na ka bynta shibun shuh shuh ki thei ialehkai bad ka jingai mynsiem ruh ia ki na ka bynta ban shim halade ia ka kam ialehkai Kriket jong ki bad ba ka kynhun baroh kawei kan long ka ta ka nongpynbit pynbiang na ka bynta ka jingwanrah ia ka jingkylla kaba heh jong ka kam ialehkai Kriket ki kynthei kiba duna ka bor iohi jong ki ha India.
Ka kynhun ialehkai jong ki kynthei ka ri ha ka tei ka lympung ialehkai ka ban long ki kynthup:
B1 Category: Killaka Sandhya (Andhra Pradesh), U. Varsha (Karnataka), Padmini Tudu (Odisha), Simu Das (Rajasthan), Priya (Madhya Pradesh),Valasanaini Ravanni (Andhra Pradesh)
B2 Category: Gangavva Neelappa Harijan (Vice Captain, Karnataka), Sandra Davis (Kerala), Basanti Hansda (Odisha), Pritiben Desai (Gujarat), Prity Prasad (Delhi)
B3 Category: Sushma Patel (Captain, Madhya Pradesh), Phula Saren(Odisha), Ganga Kadam (Maharashtra), Deepika TC (Karnataka), Jhili Birua (Odisha), M. Satyavathi (Andhra Pradesh).
