C.B Iawphniaw
Ka jingiashim bynta pyllien pyllien ki nongsynshar shnong ha ka saiñ hima sima da kaba ia ai jingkyrshan ia u kyrtong ba ki mon ban ieng ialeh ia ka elekshon ka long shisha ka kam ka bym dei, namar ka ktah ia ka shongsuk shongsain ha ki shnong ki thaw. Ka jingiashim bynta ki Rangbah shnong ban ai jingkyrshan ia ki kyrtong ka wanrah ka bishni ka pihuin ha ki shnong ki thaw haba pynlong jingialang ialap elekshon. Ka long ka jingleh ka bym pynsngewtynnad ia ka jingsngew u paidbah ba bun. Kane ka jingkhang ia ki nongsynshar shnong ban ia don bynta ha ka politik kam dei tang ia ka KHADC ban khang, hynrei ka District Administration ka dei ban khang ia ki nongsynshar shnong ban ia don bynta ha ka politic. Bad dei ban pynduh noh ia ka Senad jong kito kiba ialeh pyrshah bad ia shim bynta ha ka sain sima sima. Ki nongsynshar shnong ki dei ban ieng pdeng ha kaba ia dei bad ka sain hima sima. Kane ka long ka jingiohi jongngi ki riew paidbah halor ka jingdon kti ki nongsynshar shnong ha ka sain hima sima ne ban kanbas elekshon na ka bynta uno uno u kyrtong.
