Shillong, Ïaïong 23:
U Banbatjuban Khongwir ha ka liang ki shynrang bad ka Aiboklin Rina ha ka liang ki kynthei ki la ïoh ban rah ïa ka nam ‘Champion of Champions’ ha ka lympung ïakhun kti kaba la tip kum ka 32nd Annual State Arm Wrestling Championship 2023 kaba la kut noh ha ka sngi Saitjaiñ.
Ïa kane ka lympung ïakhun kti la pynlong da ka Meghalaya Arm Wrestling Association bad ïa kaba la kyrshan ruh da ka Directorate of Sports and Youth Affairs, ha KJP Assembly Hall, IGP, Shillong ha ka 21 bad 22 tarik mynta u bnai.
Haba phai sha ki nongjop ha ka liang ki shynrang ha ka jingkhia kaba 55 kilo, ka kyrdan ba nyngkong la ïoh da u Danial Nongkhlaw, ba-ar da u Hubert Paliar bad ba-lai da u Shemladbha Khongwir. Ha ka kyrdan 60 kilo pat la wan nyngkong u Revelbornstar Snaitang, ba-ar u Banshanlang Terang bad ba-lai u Donnam Kharkongor.
Haba phai sha ka 65 kilo, ba nyngkong la ïoh da u Aiboklang Paul Wanniang, ba-ar la ïoh da u Donald Masynting bad ba-lai da u Deligent Rymbai. Ha ka 70 kilo pat ba nyngkong da u Jackson Lyngdoh, ba-ar da u Defender Samati bad ba-lai da u Borsis L Nongbri. Ha ka 75 kilo pat ba nyngkong la ïoh da u Alexshon Roy Mylliem Umlong, ba-ar u Rojesh Rongshon bad ba-lai u Nangapjingbha Nongrum.
Ha ka 80 kilo pat ba nyngkong la ïoh da u Alexander Lyngdoh, ba-ar u Mathias Marbaniang bad ba-lai u Chanlangki Dkhar. Ha ka 85 kilo ba nyngkong la ïoh da u Kishore Chettri bad ba-ar u Everson Thangkhiew. Ha ka 90 kilo pat ba nyngkong la ïoh da u Alan Sunn Marbaniang, ba-ar da u Baniaikyrsoi Khongwir bad ba-lai da u Pynshailang Narlong. Ha ka 95 kilo pat ba nyngkong u Banbatjuban Khongwir bad ba-ar u Jeremybert Rangat. Ha ka 100 kilo shaneng pat ba nyngkong u Bakhammaian Khongwir, ba-ar u Tony Lyngdoh Marshillong bad ba-lai u Bhakupar Kharkongor.
Haba phai pat sha ki nongjop ha ka liang ki kynthei, kata ha ka 50 kilo ba nyngkong la ïoh da ka Angelis Kharumnuid, ba-ar sha ka Airikmenlang Shabong bad ba-lai sha ka Milarita Lyngdoh Nongbri. Ha ka 55 kilo pat ba nyngkong ka Senebi Syngkli bad ba-ar ka Larityngkai Lawriniang. Ha ka 60 kilo pat ba nyngkong ka Wandalin Syiemiong, ba-ar ka Bandarika Kharkongor bad ba-lai ka Shwa Hime Dkhar.
Ha ka 65 kilo pat ba nyngkong ka Aiboklin Rina, ba-ar ka Usefulness L Nongum bad ba-lai ka Wenny Finda Kharthangmaw. Ha ka 70 kilo ba nyngkong ka Ribasuk L Mawphlang, ba-ar ka Ladapbiang Malieh bad ba-lai ka Pridalin Kurkalang. Ha ka 75 kilo la jop da ka Margreth Nongrum.
Ha ka 80 kilo ba nyngkong ka Mihsngewbha Rymbai bad ba-ar ka Eltimon Dhar. Ha ka 85 kilo la jop da ka Mainuridonisha Syngkli.
Haba phai pat sha ka jingjop jong ki team, ïa ka nam ba nyngkong la rah da ka Powergym, kyrdan ba-ar la ïoh da ka Augustus Gym Club Madanrting bad ka kyrdan ba-lai sha ka Hynniewtrep Sports and Cultural Club.
Ïa kane ka lympung la wan ban plie da u Vijay Kumar D, uba dei u Commissioner and Secretary ka tnat Sports and Youth Affairs kum u kongsan, ryngkat u President ka Shillong Press Club u Bah David Laitphlang kum u symbud kongsan.
Ha ka sngi pynhap pyrda pat la ïadon lang ka Kong Ampareen Lyngdoh, Myntri ka Jylla kum ka Kongsan, bad u MDC ka Malki-Laitumkhrah u bah Fantin Joseph Lakadong kum u symbud kongsan bad u Bless Dkhar President ka East Khasi Hills HNYF kum u nongshah khot sngewbha.
Ki nongjop baroh na kane ka lympung ki la shah jied na ka bynta ka lympung National Level ka ban long ha Jammu and Kashmir ha u bnai Jymmang.
