Shillong, Ïaïong 24:
Ka Kong Rephia Becky Pde ka la wan ha ka kyrdan ba-ar ha ka jingïakob mareh ba la tip kum ka Kalimpong Ultra Marathon 65km kaba long ha ka 22 tarik mynta u bnai.
Kane ka nongmareh na Jylla kaba trei hapoh ka shlem treikam jong ka tnat Excise ka Sorkar Jylla, ka la lah ban pyndep ha ki 8:47:29 sekhon. Ïa ka kyrdan ba nyngkong bad ba-ar la jop da ki nongmareh na Darjeeling bad Goa.
Ïa kane ka jingïakob mareh la pynlong da ka Roshni Foundation, ha kaba ki nongwan ïashim bynta ki dei kiba la wan na kylleng bad ka jingkynjang kane ka jaka ba pynlong ïa kane ka jingmareh na ka sla duriaw ka long 1500m. Ïa kane ka jingïakob la sdang na shnong Pedonng, West Bengal sha Lava.
