Los Angeles:
Ka khubor kaba la ioh ka iathuh ba u Jungkook bad ka Kylie Jenner kin sa wan ban iuhkjat sha India ha kaba hadien jong ka jingplie ia ka NMACC kaba la wan ban shim bynta da ki katto katne ki tyngshop bad puron ka Hollywood ngin sa iohi ruh ha kine ki bnai ban wan ia ka jingwan iuhkjat jong ka Kylie bad u Jungkook.
Kawei na ki lad pathai khubor ka Bollywood ka iathuh ba kine arngut ki la shah khot sngewbha ban wan shim bynta ha ka “Big Fat Mahajan Event” ka ban long mynta u snem.
U Jungkook uba dei u dkhot ka kynhun rwai BTS ula dep ban kren ha kine ki khyndiat bnai halor ka jingangnud jong u ban wan iuhkjat sha kane ka ri bad lehse kane ka lah ruh ban long mynta u snem.
Ka jingwan jong ka Kylie pat kan dei na ka bynta ban pyniaid iew ia ki jingtah pynbha briew kiba ka la pynmih lyngba ka kompani Kylie Cosmetics.
Dang ha u Kyllalyngkot mynta u snem ka Paris Hilton kaba long ruh kawei na ki hehspah ka la wan sha Mumbai na ka bynta ban pynmih bad pyllait paidbah ia ki artylli ki jingtah iwbih jong ka.
Bun lehse kin sa kwah bha ban iohi markhmat ia u Jungkook bad Kylie ha ka jingwan jong ki sha India.
