Nongstoiñ, Ïaïong 25:
Ka kynhun ki ’thei ïalehkai ka Shallang Block bad ki ’rang ïalehkai ka Mawshynrut Block ki la khur ïa ka jingjop ha ka play-off jong ka lympung ïalehkai District Level Under-12 Chief Minister Open Football Tournament 2023 ba la pynlong da ka shlem trei kam jong ka District Sports Officer (DSO), West Khasi Hills.
Ha ka jingïakhun jong ki kynthei kaba la long ha ka Sngi Ba-ar ha madan NDSA, Nongpyndeng, ka Shallang Block ka la lah ban pynliem noh ïa ka Ri Mulliang Block da 4-0 kol.
Da lyngba kane ka jingjop, ka Shallang Block ka la ïoh ban rung sha ka semi final.
Haba phai pat sha ka jingïakhun jong ki shynrang, ka Mawshynrut Block pat ka la ïoh ban khur ïa ka jingjop hadien ba ka la jop da 8-0 kol ïa ka Rambrai Block ha ka jingïalehkai playoff.
Katei ka jingjop ka la pynlong ïa ka Mawshynrut Block ban jam sha ka semi final.
Nangta haba phai pat sha ka jingïalehkai semi final kaba nyngkong ha ka liang ki kynthei, ka Mawshynrut Block ka la pynliem noh da 4-0 kol ïa ka Rambrai Block. Kumta da lyngba katei ka jingjop ka Mawshynrut Block ka la ïoh ban rung sha ka final jong katei ka lympung ha ka liang ki kynthei.
Lah ban kdew hangne ba ha kane ka lympung ki don 5 tylli ki block ki ban ïakhun ha ka liang ki kynthei bad shynrang.
