Shillong, Ïaïong 25:
U nongrah nar ka Jylla, u Javed Sohtun u la khur ïa lai tylli ki takma ha ka jingïakob rah nar ba la tip kum ka NPC Junior Senior Open Men Category Power Lifting kaba la long ha Dimapur, Nagaland.
Kine ki kynthup ïa kawei ka takma ksiar ha ka Squat (590), takma rupa ha ka Bench Press (395) bad takma rnong ha ka Deadlift (660) jong ka kyrdan jingkhia 74-83 kilo.
Ha kane ka jingïakob kaba la long ha ka 21 bad 22 tarik u mynta u bnai, la wan ïashim bynta da kiba bun ki nongrah nar na kylleng jong ka thaiñ Shatei Lam Mihngi.
Une u rangïalehkai uba na ka shnong Lumparing bad uba ju ïalehkai na ka Meghalaya Power Lifting, u la long tang marwei na ka Jylla ban leit ïashim ha katei ka jingïakob.
Lah ban pynkynmaw ba utei u rangïalehkai ka Jylla u la ïashim bynta ruh ha kiba bun ki jingïakob kiba la long shabar jylla kum ha Guwahati, Delhi, Goa, Uttarakhand bad kiwei.
