Austin, Iaïong:
Ha kane ka jingjia la ong ba 9 ngut ki khynnah ki la mynsaw na ka jingsynreit kuli hapdeng ka jingïaleh kmen sngewbha bad ha kajuh ka por ruh ki pulit ki dang wad jingtip halor kawei pat ka jingjia synreit kuli ha ka nongbah ba marjan ioh lehse ka don kano kano ka jingiadei hapdeng kitei ki jingjia kiba la jia ha katei kajuh ka sngi.
Ki heh ka Jasper County na Texas, ki la pyntip ba ki la leit ban mareh mar-mar sha katei ka jaka ha ka Sngi U Blei ha katei ka iing briew kaba kumba kaba kumba 250 ngut ki briew ki ialeit ban iadon bynta ha katei ka sngi leh kmen leh sngewbha jong katei ka iing, bad ha katei ka por, ki lap pynban ia 9 ngut kiba la shah siat bad shah synreit kuli hynrei baroh na ki, kim shym la ap jingma ia ka jingim jongki na katei ka jingshah siat bad kumta la rah noh ia ki baroh sha ka jaka sumar naka bynta ki jingsumar ba kham bniah.
Napdeng jong kitei ki 9 ngut, ia ki 8 ngut la pynkit noh da ki kali kit nongpang sha ka Jasper Memorial Hospital, katba ia uwei pat la pynkit noh sha ka jaka sah ha Beaumont, namar ka jingbym treh ban leit shah sumar hapoh hospital.
Hynrei la ong ba hadien katei ka jingjia, la ioh jingtip pat ba ka don sa kawei ka jingjia synreit kuli hi, ha Jasper bad ka long ruh tang hadien kumba katto katne kynta ba la jia katei ka jingjia ha katei ka jaka. Katba, ym shym la ioh khubor pat ban don kiba mynsaw ne kiba ngat ha katei ka jingsiat kaba ar. Watlakatta, ki bor pyniaid bad ki pulit jong katei ka nongbah ki dang ialeh ban wad bniah la kitei kiba don kti ha kitei ki 2 tylli ki jingjia thombor ha katei ka sngi, ki dei ne em kijuh ne ki don jingiadei eiei ne em namar ba katei ka jingjia ka la leit jia ha kajuh ka sngi bad ha kajuh ruh ka nongbah.
Tad haduh kane ka kynti, ki pulit ki dang pyniaid shakhmat ia ka jingtohkit lyngba jong kito kiba iadon lang ha katei ka iing khawai ha katei ka sngi.
