London, ïaïong:
Uwei na ki nongmareh sted ba pawnam bha ha ka pyrthei na ka ri Bilat bad long ruh u lahduh haduh saw sien ha ka lympung ialehkai Olympic u Mo Farah, u iathuh ba un sa pynkut noh ia ka kam ialehkai ha ka jingim ka jong u da kaba shimbynta khatduh ha ka lympung ialehkai iakob mareh ka ban sa long ha u bnai Nailur ka Great North Run.
Kum u nong-ialehkai ba pawnam bha, u Farah u la wan ba khyndai ha ka iakob mareh Marathon kaba khatduh ha London ha ka lah sngi U Blei da kaba pyndep ia ka jingiakhun ha ka por 2:10:28:9 min hadien u lahduh na ka jing-iakhun u Kelvin Kiptum.
Nangta ka khubor ka iathuh ruh ba utei u nongmareh uba la kynjoh sha ka 40 snem ka rta, un sa ia aireng ha ka 10km Great Manchester Run ka ban long ha ka 21 tarik u Jymmang ha shuwa ba un mareh khatduh eh ha ka Great North Run half-marathon ha ka 10 tarik u Nailur.
Kum u nongmareh ba pawnam bha ha kylleng ka pyrthei, u Mo Farah u lah dep ruh ban rah ia ka thong jingjop na ka Great North Run haduh hynriew sien kynthih bad mynta ka kynti u don ia ka jingkyrmen na ka bynta ban nang iai pyndap jingjop shuh shuh halade da kaba khur pat sa ia ka nam jop kaba hynniew na katei ka lympung ialehkai mynta u snem.
