C.B Iawphniaw
Kane ka jingkhang ia ki nongsynshar shnong, ki Rangbah shnong ban ia shim bynta ha ki kam politik ka long kaba bha. Hynrei ym dei ban khang tang ia ki. Namar baroh ngi ia don bynta ha ka politik. Naduh ki nonghikai, ki nongrep, ki nongbylla, ki nongkhaii, ki kynhun seng bhalang bad wat ki kynhun balang ruh ki la shim bynta ha ka politik.
Ym don ba lait khlem ia shim bynta ha kane ka kam sain hima sima. Namar ka dei ka kam kaba ktah ia baroh. Haba phai ha ki niam ne balang ruh ki ia leh politik, namar ki leit pan jingiarap na unp uno u nongmihkhmat bad ha ka sorkar ruh ban ioh shna pynbha ia ki lynti ki syngkien, ki surok, ki um bam um dih ha ki jaka pynlong jingiaseng.
Kane kam dei ka politik.Lada kim ioh kin kyntait ban ai jingkyrshan ia uno uno u nongmihkhmat kato ka constituency kaba pynlong jing-iaseng. Te kane ym dei ba baroh ngi ia shi bynta bad ia don bynta ha ka kam politik ? Ka niam ruh ka don bynta kaba khraw ha ka politik. Namar ka synshar khadar ka dei ka nongrim jong ka politik. Ka niam bad ka politik ka la iaid ryngkat.
Khlem ka niam ruh ym long khlem ka politik ruh ym long. Ka politik ka plie lynti ia baroh ban ia don bynta bad ka. Wat la ki ong ka politik ka long kaba sniew.
