United Kingdom, ïaïong:
Ka long ka khubor kaba sngewsih na ka bynta uwei na ki nongialehkai mareh Marathon na Nottingham u Steve Shanks; 45 snem ka rta, ha kaba utei u nongialehkai dangshen u la dep ban shimbynta ha ka lympung mareh ka London Marathon u lah khlad noh hashen katba u dang don ha ka lynti ban lei tphai iing.
Ka khubor ka iathuh ruh ba u Steve Shanks u long u nongmareh ba la tbit bha ha kaba iadei bad jingmareh Marathon, ha kaba u la lah ban pyndep ia ka jingiakhun na katei ka lympung ialehkai ha ka 2 kynta: 53min:26 sekhon. Ka jingiap ba kyndit jong utei u nongmareh ka long ka bym lah ban batai bad yn sa pyntip hadien ynda la dep ban peitbniah da ki nongsumar.
Katei ka apot sepsngi kaba lah wan hap ha utei u nongialehkai ka lah pyndap da ka jingsngewsih kaba khraw ia ki nongwan shimbynta ha katei ka lympung mar ia ioh ia katei ka khubor.
Haba phai sha katei ka lympung ialehkai, u nong-ialehkai na Kenya u Kelvin Kiptum u lah rah ia ka nam lahduh napdeng ki shynrang ha ka rekod kaba biang eh kata da 2 kynta:1 min: 25 sekhon ha ryngkat bad ka nongialehkai napdeng ki kynthei ka Sifan Hassan kaba lah rah ia ka jingjop na ki kynthei hadien ka jingpawnam ka jong ka ha katei ka jait jingialehkai.
