Nongstoiñ, Ïaïong 27:
Ka kynhun ïalehkai jong ka Mawshynrut Block ka la khur ïa ka nam lahduh ha ka lympung ïalehkai phutbol ba la tip kum ka Chief Minister District Level Under-12 Football Tournament 2023 ba la pynlong da ka shlem trei kam jong ka District Sports Officer (DSO) West Khasi Hills.
Ha ka jingïakhun final jong ki shynrang kaba la long ha ka Sngi Palei ha madan NDSA kaba ha Nongpyndeng, ka Mawshynrut ka la lah ban pynliem noh ïa ka Rambrai Block da 7-0 kol.
Haba phai sha ka jingïakhun jong ki kynthei, ka Mawshynrut Block ka la pynliem noh ïa ka Shallang Block da 1-0 kol.
Ha kane ka sngi la ïadon lang u Bah O. Massar, DSP kum u kongsan, ka Kong Balarina Syiem (DSO), u Bah B. Sohlang, Myntri Shnong Mawkhlam- Nongpyndeng bad kiwei kiwei.
