China, ïaïong:
Ha ka sien ba nyngkong la ong ba ha ka Sngi Balang, u President ka China u Xi Jinping u la iakren bad u President ka Ukraine u Volodymyr Zelensky ban iakren halor ki jingeh jong ka Ukraine na ka jingleit hiar thma ba khlem sangeh jong ka Russia. Katei ka jing-iakren hapdeng u Jinping bad u Zelensky ha katei ka Sngi Balang ka long da lyngba ka phone.
Ha katei ka sngi, u Jinping u la ong ba ka China kam shym iashah liang shano-shano ruh hapdeng katei ka jingiakhun thma hapdeng ka Ukraine bad ka Russia. Hynrei ka jingwan jong u ha kane ka por ka long ban khot ia ka Ukraine bad ka Russia ba kin pynjai-jai noh ialade bad ba kin iakren ia pynbeit noh para ma ki na ka bynta ka jingbha lang jong baroh ki ri ka pyrthei bad na ka bynta ban pynbit pynbiang ia ka ioh ka kot jong baroh ki ri kiba la shah ktah naduh ba sdang ka jingleit hiar thma jong ka Russia ia ka Ukraine ha u snem ba la leit.
La ong ba ka jingleit jurip jong u Jinping sha Russia ban leit kynduh ia u Putin ha u Lber, ka la wanrah ia ka jingpyrshah na kiba bun bad kumta ka China ka la pynpaw ba ka jingleit jurip jongka sha Russia kam long na kiwei pat ki daw hynrei ka long namar ka jing iasngewtynnad paralok jong u bad ka Russia.
