C. B. Iawphniaw
Ki khun u Kpa bym dei Khasi ki ioh jait Khasi, katba ki khun jong u kpa Khasi kim ai lad ban shim ia ka jait Khasi. Kane ka long pyrshah ia ka dustur ka Riti tynrai u khun Khasi Khara. Ka District Council kaba dei ka nongpeit bad pynneh ia ka dustur ka riti ka la dei ban thaw ka ain ban iada ia ka tynrai ka dustur ka riti u khun Khasi Khara.
Bad ym dei ban pynlong Khasi ia u symbai nongwei bym dei Khasi. Ia ki khun kpa bym dei Khasi watla ka kmie ka dei ka Khasi ym dei ban pdiang ha ka jait Khasi jong ka kmie, watla ngi shim jait na ka kmie ruh. Namar kane kam long namar ka pynduh jait ia ka tynrai longbriew manbriew u khun Khasi khara.
Ia ki khun ba ioh symbai na u kpa Khasi ki donhok ban ioh ia ka jait Khasi paka. Hynrei ia ki khun kpa bar jylla bad ka kmie Khasi makna ym dei ban ai jait sha ka kmie.
Ia kane ka bynta ka District Council ka la dei ban shah ia ki khun Kpa Khasi watla ka kmie bar jylla bad ka kmie Khasi ban ai jait sha ka kmie. Ka ain kam dei ban thew shiliang ha ka rukom shim jait ai jait. Ka dei ban pynshong nongrim ha u symbai ym ha ka sla ka ban pyut noh. Kane ka shim jait ai jait ka dang dei ban pynkylla na ka bynta ka bha ka miat ka ri bad ka Jaidbynriew.
