Bangalore, Jymmang:
Na ka liang jong kawei na ki kynhun ialehkai Kriket ha ka Indian Premier League (IPL) ka Royal Challengers Bangalore, ka pynbna paidbah ia ka jngjied jong ka mynta ia u Kedar Jadhav kum u nongmih bujli ha ka jaka u David Willey na ka bynta ki jingialehkai ba dangsah jong ka kynhun ha ka tei ka lympung ialehkai jong une u snem ba mynta.
Nangta ka khubor ka iathuh ruh ba u Willey uba long u nong-ialehkai ka England uba lah ban ialehkai ha baroh ki bynta ki liang jong ka jingialehkai, u lah ialehkai tang ha ki saw tylli ki jingialehkai na bynta ka RCB ha ka aiom ialehkai IPL kaba mynta ha ryngkat bad ka jinglah ban khur shalade ia ki 3 wiket. Kumta ruh u Jadhav uba lah ioh ban pynpawnam ialade ha ka lympung naduh u snem 2010, haduh mynta u lah ioh ban shimbynta ha ki 93 tylli ki jingialehkai bad khur ruh ia ki 1,196 ron ha ka kyrteng jong u. kumta utei u nongialehkai uba lah mihkhmat ia ka RCB ha ki 17 tylli ki jingialehkai, u lah shah wanrah hakhmat ka Board na ka bynta ka dor-trai ka jong u kaba haduh T.1 klur.
U Jadhav u lah dep ban ialehkai 73 tylli ki jingialehkai ODIs na ka bynta ka kynhun ialehkai ka ri bad ka jinglah ban kamai ia ki 1,389 ron bad khur ruh ia ki 27 wiket bad uba lah ialehkai ruh 9 tylli ki jingialehkai T20Is ha kaba u la lah ban kamai ia ki 58 ron tam ha ka kam ialehkai ka jong u. Ha ka iew iadie-iathied rangialehkai na ka bynta ka IPL mynta u snem, u Jadhav u iaisah kum u dkhot ialehkai ka RCB ha kaba um shym la shah tyrwa die satia ha ka kynhun.
