Lisbon, Jymmang:
Ha kane ka jingjia la ong ba uwei u briew u la siat iap ia 3 ngut kiwei pat bad hadien kata u la siat iap syndon ialade. Kane ka la jia ha ka Sngi U Blei hapoh ka nongbah Setubal jong ka Portugal, kaba don kumba 45 kilometre lane 28 miles ka jingjngai na South Setubal.
U heh pulit PSP, u Joao Freire haba iakren bad ki lad pathai khubor u la iathuh ba ki pulit ki la lap ia 4 tylli ki metïap hadien ka jingleit poi jong ki sha katei ka jaka ha katei ka sngi.
Kumta ka kynhun tohkit PJ ka la leit poi sha katei ka jaka ha katei hi ka sngi na ka bynta ki jingtohkit kiba bniah lyngba jong kito kiba shong ha katei ka jaka.
Katkum ki khubor la iathuh ba katei ka jingsiat ka la jia ha ka por kumba 8 baje jong ka step Sngi U Blei, ha kawei na ki shnong ba duk jong ka Setubal kaba la ju tip kyrteng da ka shnong Bairro Azul, bad la iathuh ba utei u nongsiat u la siat lang noh ialade tang mar ai ïohsngew ba ka kynhun pulit ka la poi ha katei ka jaka.
