Madrid, Jymmang:
U khlur ialehkai Tennis ba pawbha ka ri Russia u Daniil Medvedev ha ka jing-iakhun ka jong u mynta ha ka Madrid Open, u la lah ban iakhun pyrshah na ka jingshah pynliem ha ki set iakhun na ka bynta ka jingshah jied ka jong u sha ka rynsan iakhun pre-quarterfinal ha ka lympung ha ka sien kaba nyngkong eh ha ka jingim ialehkai Tennis ka jong u.
Kumta utei urangialehkai uba bat ia ka kyrdan ba-ar ha ka lympung, ha ka set iakhun kaba nyngkong u lah shah rem noh da 6-4 ha u rangiakhun pyrshah u Alexander Shevchenko. Hynrei u Daniil u lah pynher shakhmat ia ka rukom ialehkai bha ka jong u na ka bynta ban khur shalade ia ki 6-1 jingjop ha ka set iakhun kaba ar bad uba lah iai pyntyllun ka rukom ialehkai bha ka jong u na ka bynta ban khur sa ia ka jingjop ha ka set iakhun kaba lai da 7-5 ha ka jingialehkai kaba lah neh haduh 2 kynta 42 minit.
Katei ka jingjop ka jong u ka long kaba 300 ha ka kam ialehkai Tennis ba tbit ha ka jingim ka jong u bad kaba lah pynlong ruh ia u ban jam sha kata ka kylla iakhun kaba saw jong ka lympung ha kaba un hap ban iakhun pyrshah bad u Asian Karatsev; uba la lah ban pynliem noh ia u Alex de Minaur da 6-3, 4-6, 6-4.
Kumjuh ruh u Jan-Lennard Struff u donkam ia ki lai set iakhun na ka bynta ban lah jam shakhmat ia u Dusan Lajovic da 6-7 (2), 6-3, 6-3 bad ka jingioh ka jong u ban runglang sha katei kajuh ka rynsan iakhun.
Na ka jingialehkai jong ki kynthei, ka Aryna Sabalanka ka la lah ha ka ban pynliem noh ia ka Mirra Andreeva.
Ha kawei pat ka jingialehkai, ka Irena Camella Begu ka lah pynliem noh ia ka Lludmila Samsonova da 6-4, 6-4 ha ka jingia aireng kaba lah jan poi sha ka jingiakhaid bad ka Mayar Sherif na Egypt ia ka Elsie Mertens na Belgium da 6-4, 0-6, 6-4.
