C. B. Iawphniaw
Ban pynneh ia ka identity ka jaitbynriew Khasi – Jaintia bad Garo la dei ban pynkylla noh ia ka kyrteng ka Jylla Meghalaya sha ka kyrteng Khasi – Jaintia bad Garo state kumba long lem sha kiwei kiwei ki Jylla kum ban shu shim nuksa, ka Jylla Bihar la pyn-ia-hap bad ki briew ba shong ba sah ha ka ki Bihari. Ka Jylla Nagaland la pyniahap bad ki trai ri trai muluk kiba shong ba sah ha kaba la tip kum ki Naga.
Kumjuh ka Jylla Assam la pyniahap bad ki briew ba shong ba sah bad la tip kum ki Assamese. Nangta ka Jylla Manipur ruh la pyniahap bad ki trai sh nong ba la tip kum ki Manipuri. Shuh shuh ka Jylla West Bengal ruh la pyniahap bad ki trai shnong ba la tip kum ki Bengal. Kumta ban pynneh ia ka Identity ka jaitbynriew Khasi – Jaintia bad Garo la dei ban pynkylla noh ia ka kyrteng Meghalaya kaba la tip kum ka ri ki lyoh. Namar ka kyrteng Meghalaya hi ka pynduh noh ia ka Identity ka jaitbynriew Khasi – Jaintia bad Garo. Ki briew na bar ri kim tip hapoh Meghalaya ki jaitbynriew aiu ki shong bad ki sah ha ka. Ki tip beit ba ka dei ka ri ki lyoh ne lyput. Kumta dei ban pynkyla noh ban pynsah pynneh ia ka Identity ka jaitbynriew.
