Shillong, Jymmang 03:
Kum shi bynta ban rakhe ïa u mawmer jong ka jingdap 50 snem, ka Seng Khasi College ka la pynlong ïa ka Inter-College Arm Wrestling Competition ha ka 2 tarik mynta u bnai.
Ha kane ka rynsan ïalehkai la wan ban ïashim bynta da 14 tylli ki kolej, kita ka St. Anthony’s, St. Edmund’s, St. Dominic’s, St. Mary’s, Sankardev, Shillong Polytechnic, Synod College, Shillong Commerce, Seng Khasi, B.B.S College, M.L.C.U, Mawlai Presbyterian College, Umshyrpi College bad ka Women’s College.
Ha ka jingïakob jong ki kynthei ha ka 50kg, ka Pynsuklang Lyngdoh (Seng Khasi College) ka la ïoh ban khur ïa ka jingjop da kaba pynliem ïa ka Daihunshisha Mawlong (Seng Khasi College). Ha ka 55kg, ïa ka nam lahduh la ïoh ban rah da ka MerishaThongni (Seng Khasi College) da kaba pynliem ïa ka Jolene V. Diengdoh (St. Edmund’s College). Ha ka 60 kg, ka Senebi Syngkli (St. Anthony’s) ka la khur ïa ka jingjop da kaba pynliem ïa ka Riteeka Sarki (B.B.S College). Ha ka 65 kg, ka YirmiJagoi (Women’s College) ka la pynliem ïa ka Kriti Noroh (St. Edmund’s) bad ha ka 70kg, ka Ladapbiang Malieh (Seng Khasi College) ka la khur ïa ka jingjop da kaba pynliem ïa ka Baiancy Kharbani (St. Mary’s College).
Haba phai sha ka liang ki shynrang, u samla Shemladbha Khongwir (Seng Khasi College) u la khur ïa ka jingjop ha ka 55kg da kaba pynliem ïa u samla Edmund Kshiar (St. Anthony’s College), katba u samla Shanbhalang Rynjah (St. Anthony’s College) u la khur ïa ka jingjop ha ka 60kg da kaba pynliem ïa u samla Teiboklang Warjri (Seng Khasi College). Haba phai pat sha ka 65kg, u samla Soshim Kasar (St. Edmund’s College) u la khur ïa ka jingjop da kaba u la pynliem ia u samla Enstone R. Marak (Shillong Commerce College). Ha ka 70kg, u samla Tadak Dui (St. Edmund’s College) u la pynliem noh ia u samla Russel Marboh (Seng Khasi College). Ha ka 75kg, u samla Bamang Tajik (St. Dominic’s College) u la khur ia ka jingjop da kaba pynliem ïa u Franky K. Lamin Gashnga (Sankardev College). Ha ka 80kg, u samlaJyohanan D. Nongrum (St. Edmund’s College) u la khur ïa ka jingjop da kaba pynliem ïa u samla Mangjylliew Marweiñ (Sankardev College). Ha ka 85kg, u Banangaiboklang Fancon (Seng Khasi College) u la khur ïa ka jingjop da kaba pynliem ïa u samla Joseph Laltlanhlua (St. Dominic’s College). Ha ka 90kg, u Saikupar Marpna (Seng Khasi College) u la khur ïa jingjop da kaba pynliem ïa u Yuvraj Sing (UmshyrpiCollge).
Ha ka jingïakhun ban ïaknieh ïa ka nam ‘Champion of Champions’, na ka liang ki kynthei ïa ka nam lahduh la ïoh ban khur da ka samla Senebi Syngkli (St. Anthony’s), katba na ka liang ki shynrang, u samla Shemladbha Khongwir (Seng Khasi College) u la ïoh ïa ka nam lahduh. Ha kane ka jingïakop, ka Seng Khasi College ka la ïoh ruh ban rah ïa ka khusnam ‘Champion Team’ (Boys & Girls Category).
