Madrid, Jymmang:
Kawei na ki nongialehkai Tennis ba tbit napdeng ki kynthei kaba shong mynta ha ka kyrdan ba 2 ha ka lympung ialehkai ba mynta ka Madrid Open ka Aryna Sabalenka, da ka jingiakhun kaba tyngeh ka jong ka, ka la lah ban pynliem noh ia ka nongiakhun pyrshah ka Mayar Sherif da 2-6, 6-2, 6-1 ha ka jingia aireng kaba lah neh ar kynta tam ha ka rynsan iakhun quarterfinal ka jong ki.
Katei ka jingiakhun ka long ruh ka jingialeh jong ka Aryna na ka bynta ba kan jam sha ka sien kaba san jong ka rynsan iakhun semifinal ha ki hynniew lympung ialehkai ba ka lah ioh ban shimbynta mynta u snem. Kumta katei ka lahduh Australian Open ka lah iohlad ha ka ban beh nadien ia ka Sherif da kawei ka set iakhun bad ka jinglah ban pynkhein dor-thong ka jong ka. hynrei na ka jingshah ieh jong ka shadien da 2-1 ha ka set iakhun kaba ar, katei ka nongialehkai ka lah kyntiew ia ka rukom ialehkai jong ka ha ka 11jong ki 12 jingialehkai na ka bynta ban iai pynjanai shuh shuh ia ka rekod 2023 jong ka sha ka 27-4.
Kumta ruh ka Sabalenka mynta ka lah jam sha ka sien kaba 15 sha ka jngiakhun semifinal ha ka jingim ialehkai ka jong ka ha ka WTA 1000 Level ne kham shajrong, ha kaba san na kita ka la lah ban pynkylla ia ki shaduh ka jingkhur syndon ia ki trophy jingjop bad shiphew na kita ki long ha ki lympung ialehkai WTA 1000, saw ha ka Grand Slams bad kawei na ka WTA Finals.
Hadien katei ka jingjop, ka Aryna ka lah ban iakynduh bad ka Maria Sakkari ne bad ka Irina-Camelia Begu, naba katei ka nongialehkai ka dang ialeh na ka bynta ka jingpynphai biang ka jong ka sha ka rynsan iakhun phainal ha ka lympung.
Kumjuh ruh ka Sherif ka long ka nongialehkai ba nyngkong na ka ri Egypt ban jam mynta shaduh ka rynsan iakhun quarterfinal ha ka WTA 1000, ia kaba la pynthikna ia ka jingphai biang sha ka thup kyrdan ba 50 ha ka thup kyrdan ka ban wan hadien ka jinglah jong ka ban kyntiew kham shajrong ha ka jingim ialehkai ka jong ka.
