Los Angeles:
U Ryan Reynolds uba ym shim leit shim bynta ha ka Met Gala ula kren halor kane da kaba ong ba u dang kham lah kaba leit shangkai sngewbha da ka bos bad ki nongialehkai ka kynhun Wrexham FC ban ia kaba leit sha ka Met Gala ha kaba ha ka Met Gala ym don kaei kaei ka ban pynsngewtynnad ia u.
Une u tyngshop manla u snem u ju synran ia ka kurim jong u sha ka Met Gala bad mynta u snem rai ban kiar na kane ban leitkai sngewbha ba ki nongia lehkai ka Wrexham FC ban shangkai bad ban peit shong peit thaw da ka bos.
U Ryan uba la thied ia katei ka kynhun ha u Kyllalyngkot 2021 u sngew ban ia kaba u pynlut por ha Met Gala ban sakhi ia ka riam ka beit jong ki nongshah khot sngewbha u dang kham biang eh ban pynmyllen ialade da kaba leit jngoh ia ki jaka kiba itynnad kiba don ha Wales.
Ka WFC ka dei kawei na ki team Football ba la slem bha jong ka Wales bad ha ki snem ba la leit kane ka kynhun ka la iohrah ia ka Welsh Cup, FA Trophy bad kumjuh ruh ka Football League Trophy ha u 2005.
Naduh ba u Ryan ula thied ia kane ka club Football ula kham pynlut por bha ban peit bad ban ai mynsiem ia ki nong ialehkai.
