C. B. Iawphniaw
Kane ka jingleh ka KHADC ka long shu thom da ka bor ia ki khun Khasi paka ban pynduh syrnod (Certificate) ST ia kiba ai jait kpa kam don nongrim. Ka long thik kum ka jingleh donbor ki nongsynshar Taliban ha Afghanistan ban khanglad ia ki kynthei ban leit sha ki skul pule bad ki skul bah (University) ba kin leit pule ban nang ban stad.
Kane ka jingleh khyllah ka KHADC kam dei ka rukom pynneh ia ka dustur ka riti u barim bajah. Ka dei ka jingiuhroit ia ka hok longbriew manbriew u khun Khasi Khara.
Haba shim jait khein jait Khasi balei hap khang ia ka mon jong u briew ne ka briew. Lada ki shim jait bym dei ka jait Khasi kata ka dei kein ban khang ia kiba kum kita ki jingleh khyllah bym ia hap bad ka dustur ka riti u Khasi. Hynrei haba ki shim jait Khasi la ka dei na u kpa ne ka kmie ba kha ba pun ka dei ka hok bad ka mon jong ki khun ki kti.
Namar ki sngew ieit ia la u kpa bad ka kmie. Ia kaba kum kane ym dei ban khanglad na ka bynta ka jingbha ka ri bad ka jaitbynriew u Hynñiewtrep Hynñiewskum.
C. B. Iawphniaw
