Chennai, Jymmang:

Na ka bynta ka aiom ialehkai kaba saw jong ka Ultimate Table Tennis (UTT) ka ban sa long shen, ka khubor ka iathuh ba ka Chennai Lions kaba dang iai bat kum ka lahduh jong ka lympung, ka la jied mynta ia u Somnath Ghosh (Indian) bad u Jorg Bitzigeio na Germany ha ka sngi ba la pynlong ia ka jingjied nongialam na ka bynta katei ka aiom ialehkai ka ban wan.

Kumta nalor ka jing-ioh ia kitei ki arngut, na ka liang jong u trai ka Lions u Harini Yadav bad Karishma Yadav ki pynpaw ia ka jingsngew ka jong ki , ha kaba ki lah ong ba ka jingioh mynta ban pyniatreilang ia u Somnath bad Jorg kan iarap shibun ia ka kynhun ialehkai na ka bynta ban jied ia ki nongialehkai kiba tbit kiba sah ka kyrteng jong ki ha ka jingpyniakab. Kumba ka paw mynta ka long ba katei ka lympung ialehkai ka lah ioh ha ka ban wanphai biang sa shisien ha ka ban pynlong ia ki lympung ialehkai, bad ka ban sdang naduh ka 13-30 tarik u Naitung 2023 ha Balewadi Sports Complex, Pune.

Ka thup kyrteng jong ki nongialam (Coaches; kiba na India bad na Shabar ruh kumjuh) kiba lah shah jied ha ka sngi jied ki long:

Chennai Lions – Somnath Ghosh bad Jorg Bitzigeio.

Bengaluru Smashers – Sachin Shetty & Vesna Ojstersek

Dabang Delhi TTC – A Muralidhara Rao & Slobodan Grujic

U Mumba TT – Anshul Garg & Francisco Santos.

Puneri Paltan TT – N Ravichandran & Zoltan Batorfi

Goa Challengers – Parag Agrawal & Elena Timina.