Khliehriat, Jymmang 07:
Ki khynnah shynrang bad khynnah kynthei jong ka Wapung Block kiba ha-poh ka rta 12 snem ki la long ki lahduh ha ka final jong ka lympung ïalehkai District Level Chief Minister Football Tournament ba la pynlong ha ka sngi Saitjaiñ.
Ïa kane ka lympung ïalehkai la pynïaid da ka ophis District Sports Officer (DSO) jong ka East Jaintia Hills District ha madan ïalehkai ha Deiñchynrum.
Ha ka jingïakhun final jong ki khynnah kynthei, ka Wapung Block ka la lah ban pynliem noh ïa ka Tluh Zone (Saipung Block) da 1-0 kol bad ïa kane ka shi kol la thep da ka Larisha Lyngdoh ha ka minit kaba 37.
Haba phai pat sha ka jingïakhun jong ki khynnah shynrang, ka Wapung Block ka la lah ban pynliem noh ïa ka Lum-shnong Block da 3-1 kol.
Ïa ki 3 tylli ki kol jong ka Wapung Block la ïoh ban thep da u Lazio Dkhar ha ka minit kaba 10 bad 46, bad u Khro-bormi Sutnga ha ka minit kaba 10. Katba ïa ka shi kol jong ka Lumshnong Block la thep da u Enno-cent Mylliem ha ka minit kaba 17.
Ïa kane ka lympung la wan ban pynhap pyrda ïa ka da u Additional Super-intendent of Police jong ka East Jaiñtia Hills u Bah Banraplang Jyrwa kum u kongsan ha ka jingïadonlang u Bah Willbert Nongtdu kum u symbud kongsan.
