New Delhi, Jymmang:
Katkum ka khubor ba la ioh lum ka iathuh ba ka lympung ialehkai Kriket jong ki bym shym lah ban iaid/mareh kata ka India-Bangladesh Wheelchair Cricket Series, 2023 la pynlong mynta da ka Differently Abled Cricket Council of India (DCCI) ka ban sdang naduh mynta ka sngi (7 tarik) haduh ka 9 tarik jong une u bnai ha Kolkata.
Kumta ha kaba iadei bad katei ka bynta, ka jingpynlong ia ka jingjied nongialehkai na ka bynta ka kynhun ialehkai ka ri (Ind), la pynlong ruh ia ka ktem jied nongialehkai ia kaba lah pynlong da ka Uttar Pradesh Wheelchair Cricket Association (UPWCCA) naduh ka 29 tarik u Iaiong haduh ka 1 tarik u Jymmang. Kumta ha ka jingjied nongialam na ka bynta ka kynhun ialehkai ka ri, ka khubor ka iathuh ba u Somjeet Singh uba long ruh u kapten jong ka kynhun ialehkai ka ri un ialam ia ka kynhun kum u kapten wat ha katei ka lympung ialehkai ba mynta ruh kumjuh. Kumta u nongpyniaid jong ka kynhun u Sonu Pandey ryngkatlang bad kiwei pat ki lem bad ki nongialehkai ki lah ioh ia ka lad ka lynti na ka bynta ban shimbynta ha kiba bun tylli ki Zonal & National Tournaments jong ka aiom ialehkai 2022-2023. Kumta ruh ka kynhun ialehkai ka ri kan shimbynta ha ki lai tylli ki jingialehkai T20 pyrshah ia ka Bangladesh naduh ka 7-9 tarik mynta u bnai. Katei ka lympung ialehkai ym tang ba ka ai mynsiem ia ki nong-ialehkai ka Divyang ha baroh kawei ka ri na ka bynta ban jam shakhmat, hynrei ruh ban mihkhmat ha ka lad ka kabu ksiar ka jong ki na ka bynta ban iai pynkhlain shuh shuh ia kata ka jingiadei kaba jan hapdeng ka ri India bad Bangladesh lyngba kum kitei ki lympung ialehkai Kriket jong ki nongialehkai na ki ar ri kiba don jingduna ha ki dkhot met jong ki.
Ka kynhun ialehkai ka ri na ka bynta katei ka jingiakhun bad ka Bangladesh ka kynthup ia u:
Somjeet Singh (C), Sandeep Kundu, Saurabh Malik, Sagar Gowda, Kabeer Singh, Veer Sandhu (WK), Sahil Syyed, Santosh R, Jeyan, Shailesh Yadav, Umesh Kaushik, Ajay Yadav, Sukhwant Singh, Raja Babu, Prashant Singh bad Sunil Rao.
Standby: Bhima Khunti, Rohit Anotra bad Golu Chaudhary.
