Tashkent, Jymmang:
Na ka lympung iakura jong ki shynrang ka Men’s Boxing World Championship kaba dang iaid shaphrang ha Kazakhstan, ka khubor ka iathuh ba u Deepak Bhoria u la rung sha ka rynsan iakhun quarterfinal jong ka jing-iakhun para marwei ha ka kyrdan iakura jong ka jingkhia ba 51kg. Utei u rangiakura u la rah ia ka thong jingjop da 5-0 pyrshah ia u nongiakura na China u Zhang Jiamao.
Shuh shuh ruh ka khubor ka iathuh ba ka jingiaid lynti jong u Deepak ha katei ka lympung ialehkai ka dangsah na ka bynta jong u ban pynthikna halade ia ka jingioh ban khur takma.
Ha kawei pat ka jingiakhun,sa uwei na ki nongiakura ka ri u Nishant Dev u la lah ban pynliem noh ia u rangiakura pyrshah na ka ri Palestine u Nidal Foqahaa haduh arsien hapoh ka minit ialehkai ba nyngkong na ka bynta ban pynlong ia ka jingiakhun jong ki ban jam sha ka RSC (Referee to Stop the Contest).
Kumta hadien katei ka jngjop, u Nishant ryngkatlang bad ua Deepak u lah jam sha ka rynsan iakhun quarterfinal na ka kyrdan iakura ha ka jingkhia ba 71kg ha kaba un hap ban iakura tyngeh shuh shuh sa bad u nongialehkai ba tbit na Cuba u Jorge Cuellar ha ka jingiaknieh jaka jong ki sha ka semifinal.
