Shillong, Jymmang 10:
Ka Shillong Lajong Football Club kan pynkhreh ïa ka jingïakhun kaba nyngkong shabar na la ïing ha ka wat kaba khatduh jong ka Second Division League pyrshah ïa ka Delhi FC ha ka Sngi Palei.
Ïa kane ka jingïakhun yn pynlong ha Minerva Sports Complex kaba ha Chandigarh ha ka por 4 baje janmiet.
Ha ka jingïalehkai kaba nyngkong ha la ïing kaba la long ha ka taïew ba la dep, ka Shillong Lajong ka la lah ban pynliem ïa ka United SC kaba na Kolkata da 2-1 kol.
Kumta kane ka kynhun hapoh ka jingïalam u Bah Bobby L. Nongbet kan hap ban ïalehkai bha khnang ban nangjam shaphrang ha kane ka lympung bad ruh ban pynurlong ban ïoh rung biang sa shisien pat sha ka I-League.
Ha kane kajuh ka sngi, ka Ambernath United kan ïakhun pyrshah ïa ka Bengaluru United ha ka por 4:30 janmiet ha madan Cooperage kaba ha Mumbai.
