Paris, Jymmang:
Katkum ki khubor la ong ba ka Iran ha ka Lah Sngi U Blei ka la sdien phasi ïa 2 ngut ki briew hadien ka jingpyllait paidbah ha ka rynsan lad pathai ha kaba ka United States ka la pynrem jur halor katei ka jingleh jong katei ka ri ha kane ka kynti.
Kitei 2 ngut kiba la shah sdien phasi ki dei ba la tip kyrteng kum u Sadrollah Fazeli Zare bad u Youssef Mehrdad. Ki la shah rai pynrem da kaba sdien phasi namar ka jingkren pyrshah ïa ka Koran bad ïa u Prophet Mohammed bad kumta la sdien phasi ïa ki ha ka patok kaba don hapoh Arak.
Katei ka jingshim rai jong ka Iran ha kane ka kynti, ka long ruh hadien ka jingpynrem na kiba bun halor ka jingjur jong ka jingsdien phasi ha Iran hapoh u snem 2022.
Kumta ruh ki seng pyrshah ki la pharep ruh ba ki bor pyniaid jong ka Iran ki la shu pyndonkam be-aiñ ïa katei ka jait jingpynshitom kaba la ju khot ka ‘Capital Punishment’ tang ban pynduna ïa ka jingbuh briew hapoh ka ri.
