C.B Iawphniaw:
Kane ka rukom bud dustur ha ka nongrim shu niew khlieh ia ki nongjied ia u syiem ne ki Sordar/Rangbah shnong ka Bri U Hynñiewtrep ka long ka rukom pynneh ia ka dustur riti longmraw ha u nongwei mynnor ba u wan synshar ia ka Bri u Hynñiewtrep. Kam dei ka dustur ka riti tynrai u Khasi naduh ki por mynbarim bajah. Katkum ka jingiathuh ki ‘riew tymmen u nongpyniaid Dorbar um donkam niew khlieh u shu phah ieng paidbah ia ki nongjied bad um da niew khlieh hynrei u shu pyni dak bad peit ia ithuh katno ki don ha ka liang u A lane u B. Uba ioh bun ngut la iathuh shai ha khmat ka Dorbar khlem da niew iwei pa iwei. Kiba lah ban jied dei tang ki rangbah. Kane ka long ka rukom synshar paidbah kaba shisha kaba la pruid dak u longshuwa manshuwa. Kane ka rukom jied mynta da kaba ia niew khlieh kam da long kaba khuid namar ki nongjied kim ioh laitluid ban jied ia uba ki mon. Ka la dei ka por mynta ban bud ia ka synshar paidbah kata da kaba shu ia thep vote ka long ka rukom kaba paka tam ha kine ki por ba mynta.
