C. B. Iawphniaw
Kumba ka paw ka jaitbynriew Khasi ka hiar pateng na ka kmie bad ym dei na ka kynthei. Hooid watla ka kmie ka dei ka kynthei. Kumta ia ka kur ka jait la shim na ka kmie. Kane ka dei ka nongrim ba u longshuwa u manshuwa u la buh ha ngi ki khun Khasi Khara. Don kiba ong ba lada ym shim jait na ka kmie kan don ka shong sang ha ka kur ka jait u Khasi. Hynrei kane kam da dei eh ka nongrim kaba khlain ban pynksan ia ka jing-ai jait kmie.
Katba ha ka jingngeit Khristan ba ka kur ka jait ki shim bad hiar pateng na u shynrang pateng la pateng. Ki don ki hynmen ki para, ki Mei-ieit Paieid kumba long na ngi ki Khasi ba shim jait na ka kmie. Kane ka jingkha pateng ha la ka kur ka jait ka la hiar pateng naduh u Adam bad ki khun jong u, u Kain bad u Abel, kiba long ka rukom hiar pateng bad kiba shim jait na u shynrang. Te kumba ka paw ka jingai jait ha u shynrang ka kham bha shibun shah ban kaba ai jait ha ka kmie kumba long ma ngi ki Khasi.
Hooid ma ngi kiba la kylla Khristan ngi khlem bat shuh ia ka dustur Khristan ngi dang iai bat ia ka dustur u Khasi ba ai jait sha ka kmie, wat la ngi la ia bud ia ka niam Khristan.
Kane ka long ka dak jong ka niam ka rukom khein kur khein jait kaba hiar pateng na u shynrang. Ngi ki Khasi ngi bud ia ka niam khristan katba ngi dang shim jait pat na ka kmie ne kynthei. Kane ka rukom shim jait na u shynrang ne na ka kmie ka don la ka jingbha bad ka don la ka jingsniew ha baroh arliang. Ym dei ba ka bha tang kiba shim jait na u shynrang ne na ka kynthei ruh.
