C. B. Iawphniaw
Dei kane kein ka kabu ia ki khun na ki kpa bym dei Khasi ban ioh leh mon, namar ka KHADC kaba dei peit ia kata ka dustur ka riti u Khasi ka ai lad ia ki. Ha ka kyrteng ka ai jait kmie ki ioh ban ai jait Khasi. Katno ia kiba dei ka doh ka snam tynrai u Khasi ki khanglad ban ioh ia ka NOC kum ki Khasi. Kane te ka long shisha kaei kaei kaba la shah ialam bakla ha ka bor u nongwei nongar ym ha ka riti ka dustur u Khasi. Ka ai jait kmie ne ka ai jait kpa kam don kano kano ka jing-ktah ia ka dustur ka riti u Khasi, haba ka kmie bad u kpa ki dei ki khun Khasi paka, ka KHADC ka la dei ban pynkylla bad pynbeit noh ia ka jingbakla halor kane ka rukom ai jait shim jait tang na ka kmie ka dei ban thaw bad ai lad ia u kpa bad ia ka kmie khlem pyniapher halor ki khun kiba kwah ai jait ha u kpa ne ka kmie kumjuh.
Ki tymmen Khasi mynshuwa lei lei ki pyntieng ba ym dei ban shongkha bad ki bym dei na kajuh ka jaitbynriew. Te kane ka jingleh ka KHADC ka pynshlur ia ki kynthei jong ngi ban ia shongkha bad ki bym dei Khasi.
