Barcelona, Jymmang:
Na ka liang u nongpyniaid jong ka lympung ialehkai Tennis kaba dang shu dep pynlong ka Madrid Open, ki la panmab na ki paidbah halor ka jingbym shym shah ia ki thei ialehkai na ka kyrdan iakhun ba mar arngut ba kin ai jingkren sha ki paidbah ha ka por ba pynlong ia ka prokram sam khusnam sha ki nongjop bad kumjuh ruh sha kiba wan ba-ar hadien ka jing-iakhun phainal.
Hynrei kiwei pat ki khubor ki iathuh ba wat la ki nongiakhun phainal jong ka kyrdan iakhun ki shynrang bad kynthei ki lah ioh ia ka lad na ka bynta ban ai jingkren sha ki paidbah hadien ki jingialehkai jong ki, pynbna na ka liang jong ka Victoria Azarenka & Beatriz Haddad Maia kiba lah rah ia ka nam jop na ka jingiakhun bad kumjuh ruh ka kynhun kaba shah pynrem; ka Coco Gauff & Jessica Pegula ki lah shah kyntait ia kata ka jingiohlad ka jong ki ba kin leh ia kaba ki ju dei ban leh kum ka jingai khublei sha ki paidbah kiba ju iai kyrshan ia ki ha ki jingialehkai.
Hadien kata, saw sngi hadien katei ka jingjia, na ka liang jong u CEO jong ka lympung ialehkai baroh kawei u Gerard Tsobanian u iathuh bad kular skhem ruh ba kum katei ka jingjia kan ym jia shuh lano lano ruh.
